Napoli e ka hequr zyrtarisht Victor Osimhen nga lista e skuadrës për ndeshjet e Serie A dhe gjithashtu ia ka dorëzuar numrin e tij nënshkrimit të ri Romelu Lukaku, i cili do të veshë fanellën me nr.9 për sezonin 2024/25.

Largimi i nigerianit nga skuadra vjen pas një dite spektakolare kaotike të afatit të transferimeve, e cila e pa atë të dështonte të binte dakord për një transferim te Chelsea apo te Al-Ahli në Superligën e Arabisë Saudite.

Osimhen mbetet i kontraktuar me Napolin deri në verën e vitit 2026, dhe është në një kontratë që kushton rreth 10 milionë euro për sezon në paga.

Ai kishte shpresuar të siguronte një lëvizje te Al-Ahli me një kontratë të madhe katërvjeçare me vlerë 40 milionë euro në sezon, por lëvizja dështoi kur Napoli kërkoi më shumë për tarifën e transferimit. Al-Ahli përfundimisht vendosi të nënshkruajë në vend të tij me anglezin Ivan Toney nga Brentford.

Napoli do të jetë në aksion në Serie A sot (e shtunë) në mbrëmje, duke pritur Parmën në Stadio Maradona.

Sulmuesi i ri, Lukaku pritet të startojë në sulm, ndërsa në stol mund të emërohet edhe Billy Gilmour, i cili mbërriti nga Brighton në ditën e fundit të afatit kalimtar.

Scott McTominay nuk do të jetë aty, por mund të bëjë debutimin e tij kundër Cagliarit pas pushimit ndërkombëtar.

Mario Rui është hequr gjithashtu nga lista e skuadrës së Napolit për t’i hapur rrugë nënshkrimeve të reja, ndërsa Michael Folorunsho e mban vendin e tij. /Telegrafi/