Shtëpia më e madhe e futbollit evropian, UEFA ka refuzuar sot kërkesën e qytetit të Mynihut për ta ndriçuar “Allianz Arena”-n me ngjyrat e ylberit në ndeshjen Gjermani – Hungari në “Euro 2020”.

UEFA ka deklaruar se e kupton qëllimin e këtij propozimi, por që propozimi duhet refuzuar për shkak të kontekstit politik, shkruan FrontOnline.

“UEFA është një organizatë neutrale politikisht dhe fetarisht. Duke pasur parasysh kontekstin politik të kësaj kërkese, ne duhet ta refuzojmë këtë”, thuhet në njoftim.

Kryetari i Mynihut, Dieter Reiter kërkoi që stadiumi të ndriçohet me ngjyrat e ylberit në protestë ndaj ligjit të miratuar nga deputetët hungarezë që ndalon promovimin e homoseksualitetit.

Ndeshja Gjermani – Hungari do të luhet nesër nga ora 21:00./FrontOnline/