Ministri i Shëndetësisë, Armend Zemaj, ka njoftuar se sot është takuar me kryetarin e Lidhjes Demokratike të Kosovës, Isa Mustafën.
Sipas Zemajt, në këtë takim kanë biseduar për prioritetet dhe punët që janë duke i bërë në Ministrinë e Shëndetësisë, si dhe për realizimin e programit qeverisës për shëndetësinë.
“Pashmangshëm, biseduam edhe për situatën epidemiologjike dhe parapërgatitjet që ne po i bëjmë për të qenë të gatshëm për secilin skenar në muajt në vijim”, ka shkruar Zemaj.
