Deputetja e Vetëvendosjes, Fatmire Kollçaku, ka reaguar pas raportimit se është përzgjedhur si Konsull i Përgjithshëm në Pragë të Çekisë i biri i deputetit nga radhët e AAK-së, Haxhi Shala.
Kollçaku, përmes një postimi në llogarinë e saj, ka vazhduar me diskursin e Vetëvendosjes edhe për jolegjimitetin e votës së deputetit Etem Arifi, teksa ka thënë se ka pritur reflektim të mëhershëm nga Gjykata Kushtetuese.
“Ishte vetëm çështje ditësh për të parë se si do të materializohej vota e Deputetit Shala, e që ishte një ndër votat vendimtare për krijimin e kësaj ” Qeverie” jolegjitime.
Si duket ky është vetëm fillimi”, ka paralajmëruar ajo.
“Nuk e kemi të qartë pse po pret kaq gjatë kjo Gjykatë, pse është shtyrë vendimi për dhjetor, që do të duhej të jetë neutrale???!!!”.
Përgjatë ditës së djeshme, mediet raportuan lidhur me përzgjedhjen si Konsull i Përgjithshëm i të birit të deputetit Haxhi Shala në Pragë. Shala ende nuk është deklaruar lidhur me këtë çështje.
