Nesër në Kosovë na pret mot mot me vranësira, intervale kohore me diell (vetëm në disa rajona) dhe riga ose ndonjë rrebesh lokal shiu. Temperaturat do të shënojnë rritje të lehta dhe ajo maksimale parashihet deri në 15 gradë Celsius, ndërsa vazhdojnë erërat nga veriu dhe verilindja.

Në Shqipëri, Maqedoninë Veriore, Luginë të Preshevës dhe Mal të Zi Të Enjten pritet të mbajë mot me vranësira e në disa rajone edhe me ndonjë interval kohor me diell. Gjithashtu priten rigjenerime të reshjeve apo rrebesheve lokale të shiut në disa zona me ndonjë vetëtimë dhe bubullimë. Erërat në Shqipëri do të fryjnë nga veriperëndimi e në viset tjera kryesisht nga veriu e verilindja.

Reshje të herëpashershme, lokale shiu priten edhe të Premten dhe të Shtunën, por temperaturat do të rriten sidomos të Shtunën deri në 17 gradë Celsius në Kosovë. Në përgjithësi të Shtunën priten më pak reshje.

Të dielen vjen fronti i fuqishëm i ftohtë ajror i cili pasohet nga ajri mjaft i ftohtë polar. Fillimisht priten reshje shiu të cilat shumë shpejt do të shndërrohen në borë. Temperaturat do të pësojnë ulje të ndjeshme të shoqëruara me erërat e ftohta veriore që mbartin ajrin e ftohtë polar.