A po i pastroni fëmijët tuaj më shpesh sesa duhet?
Udhëzimet për t’i mbajtur fëmijët tuaj të pastër ndryshojnë shumë pasi rriten dhe rezulton se shumë prindër mund të jenë duke e tepruar.
Eksperti pediatrik, Dr.Sam Hay ka dhënë disa këshilla që çdo prind duhet t’i dijë.
Për të sapolindurit, në kundërshtim me besimin popullor, nuk ka nevojë t’i lani çdo ditë. Duke folur për Kidspot, Dr.Hay këshilloi: “Çdo 2-3 ditë është më se shpesh e mjaftueshme”.
Ai sugjeron të anashkaloni sapunët e ashpër që mund të irritojnë lëkurën e ndjeshme të foshnjës dhe të përdorni vajra më të butë për banjë, të cilat pastrojnë dhe hidratojnë njëkohësisht. “Mos e teproni me pastrimin”, paralajmëron Dr.Hay.
Kur fëmijët hyjnë në moshën parashkollore dhe të shkollës fillore, banjat e përditshme mund të duken të nevojshme. Dr.Hay pohon se nga pikëpamja shëndetësore, një larje çdo 2-3 ditë është ende e mjaftueshme.
Pastaj vijnë vitet e adoleshencës, me të gjitha ndryshimet e tyre hormonale, djersën dhe problemet e lëkurës si puçrrat. Adoleshentët, sipas Dr.Hay, duhet patjetër të lahen çdo ditë, shkruan Mirror.
