Kosova ka pësuar humbje dinjitoze nga superfuqia botërore e futbollit, Spanja.
Në “La Cartuja” të Sevillës, Spanja ishte nikoqire e “Dardanëve”, shkruan FrontOnline.
Ndeshja e vlefshme për ciklin eliminator për Kupën e Botës “Katar 2022” i takoi Spanjës me rezultat 3:1.
Pas ndeshjes, ylli i Spanjës dhe Villarealit, Gerard Moreno u shpreh i lumtur me golin dhe fitoren ndaj Kosovës.
“Unë mungova në dy ndeshjet e para. I lumtur që arrita t’i ndihmoj ekipit tim të fitoj sot”, ka deklaruar Moreno pas ndeshjes.
“Jam i lumtur edhe për golin. E rëndësishme në fund është që në fituam. Pas golit ne kemi mundur që ta gjenerojmë shumë mirë lojën”, tregoi ai.
“Të gjitha ekipet garojnë kundër jush, kjo është e ditur”, shtoi Moreno. /FrontOnline/
