Sot drejt Shqipërisë janë nisur 250 anëtarë të stafit mjekësor për t’u vaksinuar me vaksinën “AstraZeneca”.
Para 5 dite “akullin” për mjekët e theu doktori kosovar, Blerim Feka që shkoi vullnetarisht ta marr vaksinën kundër koronavirusit.
“Unë jam Blerim Feka, që u vaksinova me vaksinën kundër Covid 19 “AstraZeneca” në Kukës në ditën e parë. Jam shumë i lumtur që shoh edhe pjesën tjetër të kolegëve që janë vaksinuar në Shqipëri. Jam i gëzuar që mesazhi im shkoi në vend. I kam bërë ftesë mjekëve në Kosovë që të shkojnë të vaksinohen.”, ka thënë ai për indeksonline.
“Nuk kam pasur kurrfarë problemi, është dita e pestë. Falënderoj Shqipërinë për mundësinë e dhënë. Jam shumë mirë s’ka pasur kurrfarë problemi. Ndihem mirë qe e theva akullin që e hapa rrugën që edhe të tjerët të vaksinohen në Shqipëri.”
“Unë skam pasur problemi shëndetësor, nuk kam pasur kurrfarë hezitimi që të vaksinohem.”, tha Feka./FrontOnline/
