Tashmë e dimë se mëngjesi është vakti më i rëndësishëm i ditës, por lajmi është se ekspertët besojnë se ai duhet të hahet në të gdhirë.

Gjegjësisht, sipas hulumtimeve të reja, ngrënia e mëngjesit deri në orën 7 mund të zgjasë jetën.

Hulumtimet e mëparshme kanë treguar se ngrënia vonë natën prish orën e brendshme të trupit dhe rrit rrezikun e zhvillimit të diabetit të tipit 2 dhe sëmundjeve të zemrës. Por vetëm disa studime kanë trajtuar pyetjen nëse koha e mëngjesit ka një ndikim të ngjashëm. Prandaj, shkencëtarët nga Universiteti i Nju Jorkut donin të zbulonin nëse koha e vaktit të parë të ditës lidhet me jetëgjatësinë.

Për këtë qëllim, ata ndoqën më shumë se 34,000 amerikanë mbi moshën 40 vjeç për disa dekada. Vullnetarët regjistruan kohët e ngrënies dhe shkencëtarët i krahasuan ato me shkallën e vdekshmërisë gjatë studimit.

Rezultatet, të publikuara në Journal of Nutrition, treguan se ata që hanin mëngjes ndërmjet orës 6 dhe 7 të mëngjesit kishin gjashtë për qind më pak gjasa të vdisnin para kohe nga sëmundje të rënda si sëmundjet e zemrës ose kanceri sesa ata që hanin mëngjes rregullisht në orën 8 të mëngjesit. si 12 për qind më pak rrezik për vdekje të hershme sesa ata që konsumuan vaktin e parë në orën 10:00.

Të anashkaluarit e mëngjesit ose të ngrënit vonë mendohet se çrregullon “orën e dietës” të trupit – programimin e brendshëm që kontrollon çlirimin e hormoneve të lidhura me dietën, si insulina.

Ky hormon ndihmon në djegien e glukozës nga qarkullimi i gjakut dhe niveli i saj arrin kulmin në orët e hershme të mëngjesit. Të hash më vonë mund të nënkuptojë që trupi gradualisht prodhon më pak insulinë dhe rrit nivelin e glukozës në gjak, gjë që çon në diabet dhe sëmundje të zemrës./FrontOnline/