Ministri i Administrimit dhe Pushtetit Lokal, Elbert Krasniqi ka marrë vendim që të publikojë shpenzimet javore dhe mujore të kabinetit qeveritar.

Kjo është bërë e ditur përmes një postimi në rrjetin social Facebook, në faqen zyrtare të Ministrisë.

Sipas këtij njoftimi Publikimi i shpenzimeve të kabinetit të ministrit do të bëhet çdo të premte dhe në ditën e fundit të çdo muaji.

Njoftimi i plotë:

Ministri i Ministrisë së Administrimit të Pushtetit Loka, z. Elbert Krasniqi merr vendim për publikimin e shpenzimeve javore dhe mujore të kabinetit ministror

Ministri i Ministrisë së Administrimit të Pushtetit Lokal, z. Elbert Krasniqi, sot me datën 26 mars 2021, ka marrë vendim për publikimin e shpenzimeve javore dhe mujore të kabinetit ministror.

Publikimi i shpenzimeve të kabinetit të ministrit do të bëhet çdo të premte dhe në ditën e fundit të çdo muaji. Çdo shpenzim do të publikohet në ueb-faqe të ministrisë dhe faqet e rrjeteve sociale të kësaj ministrie.

Ky vendim është në vazhdën e fillimit të reformave të ministrit për ruajtjen e parasë publike dhe zbatimin e politikave që rrisin transparencën, llogaridhënien dhe mirëqeverisjen në institucione publike./Front Online/