Ministri i Drejtësisë së Shqipërisë, Ulsi Manja, ka bërë të ditur se sot ka qenë për vizitë në Drenas, tek familja Lladrovci.

Në një postim në Facebook, ai ka thënë se aty shkoi me ftesë të Ramiz Lladrovcit.

“Në konakun e bacës Tush Lladrovci – shtëpia e herojve të Kosovës, nderi i kombit, Fehmi dhe Xhevë Lladrovci – me ftesë të djalit të kësaj shtëpie simbol, Ramiz Lladrovci”.

“Ishte një nder i madh që bashkë me Pjerinin të jemi mes burrave që i dhanë Kosovës gjithçka – lirinë, pavarësinë dhe shtetin që kemi sot. Një takim që nuk do ta harroj kurrë. Mes kaq shumë burrash që, pavarësisht bindjeve politike, bashkohen si vëllezër – sepse i lidh Ushtria Çlirimtare e Kosovës, i lidh gjaku i dëshmorëve dhe lufta për liri”, ka shkruar Manja.

Ai ka falënderuar për ftesën dhe mikpriten Ramiz Lladrovcin.