U raportua që njëri nga atentatorët e sulmit terrorist në Austri kishe prejardhje me origjinë shqiptare e që vinte nga Maqedonia e Veriut.

Por pretendimet se sulmuesi kishte origjinë shqiptare i ka përgënjeshtruar ministri i Brendshëm i Austrisë, Karl Nehammer.

Ai në një konferencë për media ka thënë edhe se çdo informacion i pakonfirmuar nxjerr nga pista hetimin i cili akoma është duke u zhvilluar.

“Në këtë moment nuk mund të themi asgjë për derisa hetimi vazhdon. Bëhet fjalë për çështje të ndjeshme dhe nuk duam t`i humbim gjurmët drejt zbardhje së rastit. Në këtë moment nuk kemi nevojë për kualifikime dhe hipoteza”, tha Karl Nehammer, ministër i Punëve të Brendshme në Austri, përcjell AlsatM.

Një medium austriak që njihet për orientimin e majtist, OE24 ka shkruar se personi i përfolur Kurtin.S, është refugjat i ardhur kohë më parë në Austri, ndërsa për familjen e tij dhe prejardhjen nuk ka informacione.

Edhe ËSJ raporton se policia ka mohuar çdo lloj informacioni për origjinën e sulmuesve, për shkak se sipas tyre hetimet ende po vazhdojnë.