Ministra e Arsimit e ka shpërblyer me tender mbi 1 milionë euro për furnizim me inventar “Ndërmarrjen Tregtare Grafike Blendi”, e cila bazuar në të dhënat e ofruara nga Agjencia për Regjistrimin e Bizneseve në Kosovës (ARBK) si aktivitet të saj primar, sekondar, por edhe në aktivitete tjera e ka shtypjen, raporton “Front Online”.

Bazuar në të dhënat e publikuara në platformën online të Prokurimit Publik shihet se në këtë proces prokurimi i cili është i ndarë në dy lote kanë aplikuar disa kompani e ku nga komisioni vlerësues ofertat e “Ndërmarrjen Tregtare Grafike Blendi”, janë cilësuar si më të favorshme ekonomikisht, raporton “Front Online”.

Për lotin e parë kompania në fjalë ka ofertuar me 846 mijë e 975 euro, deri sa për lotin e dytë po ashtu kompania e njëjtë ka ofertuar me 245 mijë e 855 euro.

Raporti i vlerësimit për kompaninë “Mobelland”

Sipas raportit të vlerësimit të komisionit vlerësues ofertat e kompanisë “Mobelland” është vlerësuar i papërgjegjshëm pasi që sipas komisionit vlerësues kompanisë e njëjta nuk ka plotësuar shumë kritere të vendosura në dosje te tenderit.

Sipas komisionit tenderi është administrativisht i  papërgjegjshëm për arsye se:

• Nuk i ka përmbushur kërkesat e sigurisë së tenderit.
•  Nuk e ka plotësuar dhe nënshkruar si duhet formularin e paraqitjes së tenderit.
• Nuk i ka përmbushur kërkesat e vlefshmërisë së tenderit.
• Nuk i ka paraqitur numrin e mjaftueshëm të kopjeve të kërkuara.
• Nuk e ka paraqitur deklaratën e cila identifikon nënkontraktuesit e zgjedhur për aktivitetin relevant te prokurimit.
• Nuk e ka paraqitur një deklaratë të qartë se të gjithë anëtarët e grupit janë bashkërisht dhe individualisht përgjegjës për përmbajtjen e tenderit të grupit dhe, në rast se grupit i është dhënë kontrata, performancen e kontratës.
• Nuk e ka paraqitur deklaratën e nënshkruar nga secili anëtar, e cila konfirmon pjesëmarrjen e tyre në grup dhe se ata nuk marrin pjesë ne mënyre individuale dhe/apo në ndonjë grup tjetër pjesëmarrës në procedurën e njëjtë të prokurimit.
• Nuk e ka paraqitur deklaratën e nënshkruar nga të gjithë anëtaret e grupit e cila autorizon partnerin udhëheqës  të veproj në emër të grupit.
• Partneri nuk i ka përmbushur kërkesat e përshtatshmërisë.

Etj…

Raporti i vlerësimit për konsurciumin “Stublla & Groweco”

Më tutje në raportin e vlerësimit për konsurciumin “Stublla & Groweco” thuhet se tenderi i juaj është administrativisht i  papërgjegjshëm për arsye se:

• Nuk i ka përmbushur kërkesat e sigurisë së tenderit.
• Nuk e ka plotësuar dhe nënshkruar si duhet formularin e paraqitjes së tenderit.
• Nuk i ka përmbushur kërkesat e vlefshmërisë së tenderit.
• Nuk i ka paraqitur numrin e mjaftueshëm të kopjeve të kërkuara.
• Nuk e ka paraqitur deklaratën e cila identifikon nënkontraktuesit e zgjedhur për aktivitetin relevant te prokurimit.
• Nuk ka paraqitur një deklaratë të qartë se të gjithë anëtarët e grupit janë bashkërisht dhe individualisht përgjegjës për përmbajtjen e tenderit të grupit dhe, në rast se grupit i është dhënë kontrata, performancen e kontratës.
• Nuk e ka paraqitur deklaratën e nënshkruar nga secili anëtar, e cila konfirmon pjesëmarrjen e tyre në grup dhe se ata nuk marrin pjesë ne mënyre individuale dhe/apo në ndonjë grup tjetër pjesëmarrës në procedurën e njëjtë të prokurimit.
• Nuk e ka paraqitur deklaratën e nënshkruar nga të gjithë anëtaret e grupit e cila autorizon partnerin udhëheqës  të veproj në emër të grupit;
• Mungon deklarata me shkrim për mallrat e ofruara (në ekzekutim) të cilat do të janë

në përputhje me EN & ISO standardet mbi specifikacionet teknike të përmendura në Aneksin 1 të dosjes së tenderit.

• Mungon deklarata mbi garantimin e produkteve së paku 24 muaj nga pranimi. Deklaratë me shkrim –  origjinal i nënshkruar dhe vulosur dhe i ngritur me skanim në sistem nga  OE mbi garantimin e produkteve së paku 24 muaj nga pranimi i tyre.
• ..

Raporti i vlerësimit për kompaninë “Dashmir Limaj”

Më tutje në raportin e vlerësimit për kompaninë ”Dashamir Limaj”, thuhet se tenderi i juaj është administrativisht i  papërgjegjshëm për arsye se:

• Nuk i ka përmbushur kërkesat e sigurisë së tenderit.
• Nuk e ka plotësuar dhe nënshkruar si duhet formularin e paraqitjes së tenderit
• Nuk i ka përmbushur kërkesat e vlefshmërisë së tenderit.
• Nuk i ka paraqitur numrin e mjaftueshëm të kopjeve të kërkuara.
• Nuk e ka paraqitur deklaratën e cila identifikon nënkontraktuesit e zgjedhur për aktivitetin relevant te prokurimit.
• Nuk e ka paraqitur një deklaratë të qartë se të gjithë anëtarët e grupit janë bashkërisht dhe individualisht përgjegjës për përmbajtjen e tenderit të grupit dhe, në rast se grupit i është dhënë kontrata, performancen e kontratës.
• Nuk e ka paraqitur deklaratën e nënshkruar nga secili anëtar, e cila konfirmon pjesëmarrjen e tyre në grup dhe se ata nuk marrin pjesë ne mënyre individuale dhe/apo në ndonjë grup tjetër pjesëmarrës në procedurën e njëjtë të prokurimit.
• Nuk e ka paraqitur deklaratën e nënshkruar nga të gjithë anëtaret e grupit e cila autorizon partnerin udhëheqës  të veproj në emër të grupit.
• ..

 Më tutje në raportin e siguruar nga “Front Online” thuhet se Grup i Operatorëve Ekonomik   “IBM” SH.P.K, “Majlinda Bajraktari” B.I, “Elbasan Alidemi” B.I, si dhe “INFINITT”  SH.P.K, Fabrika e Mobilieve Standard në Malishevë, Fabrika e Mobilieve “Graniti” në Suharekë, “Osa –Termosistem”, “Oni Design” kaë ofertuar me çmim më të lartë se sa Operatori i rekomanduar për kontratë “Me keqardhje ju njoftojmë se tenderi i paraqitur nga ana juaj nuk qe i suksesshëm, ngase tenderi juaj nuk qe tenderi me çmimin më të ulët në mesin e tenderëve që plotësonin kërkesat e dhëna në njoftimin e kontratës dhe në dosjen e tenderit” thuhet në raport. / Front Online /