Ehat Miftaraj Instituti i Kosovës për Drejtësi ka thënë se Kushtetuta e Kosovës, si asnjë kushtetutë tjetër në botë, promovon të drejtat dhe liritë e komuniteteve joshumicë.

Për GazetaBlic, Miftaraj ka thënë se nëse Kosova pranon që të formohet Asociacioni i Komunave Serbe, atëherë, siç ka deklaruar ai, do të duhej të amendamentohej Kushtetuta.“Në rast se Kosova pranon që të formoj Asociacion me kompetenca ekzekutive për komunitetin jo shumicë serb në Kosovë, duhet të amendamentohet Kushtetuta e Kosovës, për çka nevojitet së paku vota e 80 deputetëve të Kuvendit të Kosovës. Kushtetuta e Republikës së Kosovës promovon të drejtat dhe liritë e komuniteteve jo shumicë në Kosovë si asnjë Kushtetutë në botë, duke e bërë Kosovën shtet lider në botë sa i përket garantimit dhe respektimit të minoriteteve, duke forcuar rolin e tyre obligativ në vendim marrje që lidhet me procese apo të drejta të tyre”, ka thënë ai për GazetaBlic.

Drejtori i Institutit të Kosovës për Drejtësi (KDI), ka deklaruar se cdo marrëveshje që i jep kompetenca Asociacionit, sipas tij, do të cenonte rendin e Kushtetutës së Kosovës.“Çdo marrëveshje që i jep kompetenca ekzekutive këtij mekanizmi do të cenonte rëndë rendin kushtetues dhe do të shkatërronte karakterin unitar të Republikës dhe do ta shndërronte shtetin e Kosovës në shtet jo funksional dhe të varur nga vullneti i pakicës serbe”, është shprehur ai.
Miftaraj ka komentuar edhe deklaratën e fundit të dërguarit të Bashkimit Evropian (BE) për dialogun Kosovë-Serbi, Miroslav Lajçak, i cili ka thënë në Beograd se Kushtetuta nuk është Bibël dhe se Kosova duhet ta ndryshojë atë për Asociacionin.

“Njoftimin dhe qëndrimin e tij për ndryshimin e Kushtetutës së Kosovës nuk e bëri në Prishtinë, por në Beograd. Veprimi i tij e ndryshon rrjedhën e negociatave, duke e drejtuar presionin drejtë arritjes së marrëveshjes finale në anën e Kosovës”, tha ai.Ndaj deklaratës së Lajçakut kanë reaguar edhe politikanët kosovarë, derisa të njëjtit e kanë cilësuar si të papranueshme.Kryediplomatja Haradinaj-Stubllka e ka akuzuar Lajçakun se po dëshiron ta kthejë idenë e korrigjimit të kufijve me deklaratën për ndryshim të kushtetutës së Kosovës