Presidenti i Republikës së Shqipërisë, Ilir Meta, ka takuar Ambasadorin e ri të Kosovës në Shqipëri, Nait Hasanin.
Meta përmes një postimi në Facebook ka njoftuar për takimin me ambasadorin e ri duke i uruar atij suksese, ndërsa kanë vlerësuar marrëdhëniet e mira mes dy vendeve duke shpresuar që liberalizimi i vizave për kosovarët të ndodhë sa më shpejtë.
Postimi i Metës:
Kënaqësi të takoja sot dhe t’i uroja shumë suksese Ambasadorit të ri të Republikës së Kosovës në Shqipëri, z.Nait Hasani, me rastin e paraqitjes së Letrave Kredenciale.
Vlerësuam se marrëdhëniet dypalëshe mes Shqipërisë dhe Kosovës janë të shkëlqyera dhe se bashkëpunimi midis dy vendeve është stabilizues për rajonin dhe motivues për perspektivën euroatlantike.
Liberalizimin i vizave për qytetarët e Kosovës është i domosdoshëm, dhe duhet të realizohet sa më parë.
