Në veriun e largët të Pakistanit, në luginën malore Hunzakoya të vendosur në rajonin Gilgit-Baltistan, jetojnë një popull anëtarët e të cilit rregullisht jetojnë 120 ose 130 vjeç. Disa janë madje 145-vjeç, por sa vjeç është dikush është e vështirë të përcaktohet sepse hunzët nuk kanë certifikata lindjeje apo prova për të mbështetur jetëgjatësinë e tyre, transmeton FrontOnline. Në pjesën tjetër të Pakistanit, jetëgjatësia është mesatarisht 67 vjet, por në një zonë të izoluar në Himalajet, kushtet janë krejtësisht të ndryshme. Studiuesit kanë vërejtur se gratë mund të mbeten shtatzënë shumë vonë, në të gjashtëdhjetat e tyre dhe më vonë, dhe gjithashtu besohet se ato nuk vuajnë nga kanceri. Shkencëtarët po kërkojnë një shpjegim në mjedis dhe ushqim.

Në të vërtetë, hunzët pinë ujë nga akullnajat, kultivojnë ushqimin e tyre dhe pasi janë shkëputur nga qytetet përreth, ata nuk hanë asgjë të përpunuar. Kajsitë janë shpesh në menynë e tyre, dhe gjatë agjërimit me ditë e madje edhe muaj, ata nuk hanë asgjë tjetër përveç lëngut të freskët dhe thelpave të atij fruti super të shëndetshëm. Mishi i tyre nuk është në meny çdo ditë, ato dominohen nga drithërat dhe perimet. Ata praktikojnë joga, ushtrime të frymëmarrjes dhe meditim.

Ende nuk dihen shumë për origjinën e tyre. Çehren e kanë më të lehtë se sa popujt fqinjë dhe gjuha e tyre është më e ngjashme me baskishten sesa me çdo tjetër që i rrethon. Disa mendojnë se ata janë pasardhës të Aleksandrit të Madh të cilin nuk mundën ta ndiqnin por vendosën të qëndronin nën Himalajet./FrontOnline/