Ata që dëshirojnë të humbasin kilogramët e tepërt që janë shtuar gjatë sezonit të festave, nuk duhet të anashkalojnë mëngjesin, sugjerojnë shkencëtarët spanjollë.
Në vend të kësaj, ata që janë në dietë duhet të synojnë të konsumojnë midis 20 dhe 30 përqind të energjisë së tyre ditore gjatë mëngjesit, që përkthehet në 500-750 kalori për meshkuj dhe 400-600 kalori për femra, transmeton klankosova.tv.
Në një studim që ndoqi dietën dhe shëndetin e pothuajse 400 të rriturve për tre vjet, shkencëtarët gjetën se ata që konsumuan këtë sasi të “duhur” energjie në mëngjes kishin një indeksi më të ulët të masës trupore (BMI) sesa ata që hëngrën më shumë ose më pak kalori në mëngjes.
Ndërsa një mëngjes tradicional anglez ofron shumë kalori, rreth 900, një tas i shëndetshëm me tërshërë mund të sigurojë shumë pak kalori, vetëm 200.
Në studimin, të publikuar në The Journal of Nutrition, Health and Aging, shkencëtarët krahasuan dietën dhe treguesit e shëndetit të 383 të rriturve nga 55-75 vjeç në një spital në Barcelonë.
