Princi William, Kate Middleton, Princi Harry dhe Meghan Markle morën pjesë në Shërbimin Kombëtar të Falënderimeve gjatë ditës së sotme, por nuk u ulën e as nuk u panë pranë njëri-tjetrit.

Kate dhe William u ulën në anën e djathtë të Katedrales së Shën Palit pas mbërritjes. Ata zunë të njëjtin vend si Princesha Anne, Princi Charles dhe Camilla Parker Bowles.

Ndërsa Meghan dhe Harry u ulën me Princeshën Eugenie, Princeshën Beatrice dhe bashkëshortët e tyre përkatës, Jack Brooksbank dhe Edoardo Mapelli Mozzi.

Dy çiftet mbërritën veçmas dhe nuk u panë në asnjë moment të ndërvepronin me njëri-tjetrin. Burime nga pallati i thanë Page Six të enjten se dy vëllezërit nuk kanë plane të kalojnë kohë bashkë ndërsa festojnë Jubileun Platinum të Mbretëreshës Elizabeth II.

“Për momentin, nuk duket e mundshme që Harry dhe Meghan të takohen veçmas me William dhe Kate gjatë festimeve të jubileut”, tha burimi.

Paraqitja e fundit e përbashkët publike e katërshes ishte në Westminster Abbey për Shërbimin e Commonwealth në mars 2020, tre muaj pasi Harry dhe Markle njoftuan planet e tyre për t’u tërhequr nga detyrat mbretërore.