Pak minuta para se të niste ndeshja e djeshme mes Spanjës dhe Përfaqësueses së Kosovës ishte gati të ndodhte një incident kontravers.

Autoritetet e Federatës së Futbollit të Spanjës kërkuan që flamuri i Kosovës të largohet nga stadiumi “La Cartuja” në Sevilla, raporton FrontOnline.

Megjithatë, një gjë të tillë nuk e lejoi kreu i “Dardanëve”, Lulzim Berisha, i cili deri në fund insistoi që flamuri të mbetet në stadium.

Në lidhje me këtë moment ka reaguar edhe mediumi rus “SputnikNews”.

Mediumi kontravers rus në artikullin e publikuar sot shkruan:

“Tifozët e shtetit të rremë shpalosën të ashtuquajturin flamur, spanjollët reaguan shpejt”.

Ndryshe, ndeshja e vlefshme për eliminatoret e Kupës së Botës “Katar 2022” mes Spanjës dhe Kosovës u mbyll me rezultat 3:1. /FrontOnline/