×
  • Bota/Rajoni
  • Bota/Rajoni

    Mediat serbe i frikësohen ardhjes në pushtet të partisë së cilës i takon Viola Von Cramon në Gjermani

    FrontOnline
    21 Nëntor 2021

    Viola von Cramon nga radhët e të Gjelbërve, e cila është edhe raportuese e Parlamentit Evropian për Kosovën, disa herë i ka vënë në dukje mangësitë e autoriteteve serbe.

    Sipas mediave serbe, përcjell Telegrafi, ndër tjerash, Von Kramon kërkoi nga autoritetet serbe që të njoftojnë publikisht se çfarë po ndodh në fabrikën kineze “Linglong”, ku u zbulua se punëtorët vietnamezë u janë nënshtruar kushteve çnjerëzore të jetesës dhe punës, dhe vlerësoi se në Serbi është në fuqi “skllavëria moderne”.

    Ndërkohë, ministri i Punëve të Jashtme i Serbisë, Nikolla Selakoviq, me atë rast tha se akuzat e tilla kanë për qëllim satanizimin e Serbisë.

    Dhe, siç vë në pah mediumi serb Nova.rs, kjo nuk është hera e parë që anëtarët e partisë në pushtet e trajtojnë kaq ashpër atë.

    Ministri i policisë Aleksandar Vulin e “diskreditoi plotësisht” opinionin e saj, duke thënë se “Viola von Cramon me siguri mund të gjejë një vend ose të paktën një territor ku fjala e saj do të thotë diçka”, por se “Serbia nuk është ai vend”.

    Por tërheqin vërejtjen disa ekspertë serbë, “vetë të Gjelbrit dhe Viola von Cramon “mund të hakmerren më fort kur të vijnë në pushtet”.

    “Unë pres që kjo kritikë dhe masat e duhura nga Gjermania dhe Bashkimi Evropian, në të cilin Gjermania luan rolin kryesor, do ta ndjekin regjimin serb… Prandaj, nga pikëpamja e politikës shtetërore, nuk është shumë e mençur të grindemi me kritikët e situatës në Serbi”, ka thënë diplomati dhe eksperti i marrëdhënieve ndërkombëtare Sreçko Gjukiq.

    Gjukiq, deklaratat e tilla të anëtarëve të qeverisë serbe i vlerësoi si “aspak të mençura”, duke pasur parasysh se ka shumë gjasa që Partia e Gjelbër, anëtare e së cilës është von Kramon, të marrë Ministrinë e Jashtme e re gjermane.

    Gjukiq shpjegoi se pret që pasojat të ndjehen në të ardhmen e parashikueshme kur të formohet qeveria në Gjermani dhe të merren të gjitha prerogativat në vend dhe marrëdhëniet ndërkombëtare.

    Sidoqoftë, “ardhja e të Gjelbërve në pushtet sigurisht që do të ndikojë negativisht në qeverinë në Serbi, por jo në vetë Serbinë, sepse qeveria është aktuale dhe e ndryshueshme”, thotë Gjukiq.

    Në pyetjen se sa do të ndikojë ky qëndrim i autoriteteve në rrugën e Serbisë drejt Bashkimit Evropian, bashkëbiseduesi ka vlerësuar se nuk do të ketë përkeqësim “sepse kjo qeveri po e dëmton veten në këtë rrugë evropiane”.

    Në MINIMAX kanë filluar zbritjet finale me çmime fikse 2€, 5€, 7€, 9€
    Nga Rubrika
    Bota/Rajoni21 Korrik 2024
    Sigurimi i ish-presidentit amerikan Donald Trump ishte ankuar se Shërbimi Sekret nuk po merrte mjaftueshëm burime dhe personel gjatë dy viteve të...
    Bota/Rajoni21 Korrik 2024
    Ministri për Evropën dhe Punët e Jashtme i Shqipërisë, Igli Hasani, është nisur drejt Koresë së Jugut, ku do të zhvillojë një...
    Bota/Rajoni21 Korrik 2024
    Presidenti i Turqisë, Recep Tayyip Erdogan, ka hedhur ujë të ftohtë mbi planin e mbështetur nga OKB-ja për ribashkimin e Qipros, duke...
    Të tjera
    Lajme21 Korrik 2024
    Liridona Shala, bashkëshortja e Faton Hajrizit i cili u vra nga policia serbe, pas dyshimeve për vrasjen e një efektivi në Serbi,...
    Lajme21 Korrik 2024
    Shefja e diplomacisë kosovare, Donika Gërvalla Schwarz, ka reaguar pasi presidenti amerikan , Joe Biden, ka njoftuar për tërheqjen e tij nga...
    Lajme21 Korrik 2024
    Presidentja e vendit, Vjosa Osmani ka publikuar një video nga vizita e saj Akademinë Ushtarake Mbretërore Sandhurst në Mbretërinë e Bashkuar. Osmani...
    Lajme21 Korrik 2024
    Kryeministri i vendit, Albin Kurti ka bërë të ditur se Universiteti i Prishtinës ka shënuar me ngritjen më të madhe dhe renditjen...
    Lajme21 Korrik 2024
    Artan Hajrizi, vëllai i Faton Hajrizit që u vra nga autoritete serbe ka njoftuar se nuk do të ketë të pame lidhur...
    Lajme21 Korrik 2024
    Presidenti amerikan, Joe Biden, ka njoftuar se është tërhequr nga kandidatura për t'u rizgjedhur në krye të Shteteve të Bashkuara të Amerikës,...

    FrontOnline, © 2024 Të gjitha të drejtat e rezervuara.