×
  • Lajme
  • Lajme

    Mbledhja e Qeverisë, ja çfarë vendime u morën

    FrontOnline
    18 Dhjetor 2024

    Qeveria e Kosovës ka mbajtur mbledhjen e 238, ku janë marrë disa vendime.

    Në këtë mbledhje ndër tjerash është miratuar vendimi për themelimin e Muzeut të Gjenocidit dhe Përpjekjes për Liri.

    Zyra e kryeministrit ka treguar për të gjitha vendimet që u morën në këtë mbledhje.

    Më poshtë vendimet e marrë gjatë mbledhjes së Qeverisë:

    Miratuar Projektligjin për Inspektoratin Qendror të Shëndetësisë. Kjo fushë ndërlidhet me përmirësimin e cilësisë dhe qasjes në shërbime shëndetësore, dhe me riorganizim të sektorit të shëndetësisë. Kështu do të fuqizohen kapacitetet inspektuese dhe rritjen e efektivitetit në zbatimin e legjislacionit të shëndetësisë.

    Miratuar Projektligjin për Prodhimin, Kultivimin, Grumbullimin, Përpunimin, Tregtimin, Kontrollin e Duhanit, Produktet e Duhanit dhe Produktet e Ndërlidhura. Ky projektligj ndërlidhet me Programin Kombëtar për Integrim Evropian, ku është paraparë edhe kjo masë legjislative.

    Aprovuar Rregulloren për Detyrat, Përbërjen, Funksionimin dhe Kompensimin e Komisioneve në Agjencinë Antidoping. Në kuadër të reformës ligjore sportive të realizuar gjatë këtij mandati, kemi hartuar dhe miratuar edhe Ligjin Antidoping të Kosovës. Ky ligj krijon ambient të sigurt dhe të shëndetshëm për zhvillimin e aktivitetit sportiv. Përmes këtij ligji, themelohet Agjencia Shtetërore Anti-Doping, ku në proces të funksionalizimit të plotë të kësaj Agjencie, u aprovua kjo rregullore.

    Emëruar Vedat Maxhunin në pozitën e Sekretarit të Përgjithshëm të Ministrisë për Komunitete dhe Kthim.

    Emëruar Luan Sylajn në pozitën e Drejtorit Ekzekutiv në Agjencinë për Zhvillimin e Bujqësisë në kuadër të Ministrisë së Bujqësisë, Pylltarisë dhe Zhvillimit Rural.

    Themeluar Task Forcën për Mbrojtjen dhe Shfrytëzimin e Ligjshëm të Pyjeve.

    Aprovuar kërkesën e Këshillit Gjyqësor të Kosovës për transfer të mjeteve buxhetore në shumë prej 450 mijë euro, deri nën 25% të ndarjes së ndikuar negativisht në total të kategorisë së shpenzimeve Investimeve kapitale të nën-programit Sekretariati i Këshillit Gjyqësor të Kosovës, për mbulimin e obligimeve.

    Miratuar vendimin për shqyrtim të mëtejmë për shpronësim për interes publik të pronave të paluajtshme ish-shoqërore, të menaxhuara dhe administruara nga AKP të cilat janë të nevojshme për realizimin e projekteve të Komunës së Hanit të Elezit si në vijim:

    o Rindërtimi i fushës së futbollit;

    o Rregullimi i pronësisë për fabrikën e ujit;

    o Ndërtimi i qendrës për kulturë dhe rini; dhe

    o Zgjerimi i rrugës pranë terminalit doganor.

    Miratuar vendimin për shqyrtim të mëtejmë të kërkesës për shpronësim për realizimin e projektit: Varrezat e Fshatit dhe Fusha Sportive në Dobërçan, Komuna e Gjilanit.

    Miratuar vendimin për shqyrtim të mëtejmë të kërkesës për shpronësim për realizimin e projektit: Çerdhe e fëmijëve, hapësirë gjelbëruese dhe infrastrukturë rrugore, në Komunën e Gjilanit.

    Nisur procedurat për ndërtimin e objektit të Spitalit në Ferizaj në vlerë totale prej 27.9 milionë euro.

    Aprovuar kërkesën e Ministrisë së Financave, Punës dhe Transfereve për kursime dhe ndarje.

    Miratuar Koncept-dokumentin për Zhvillimin e Kornizës Rregullative të Tregjeve Financiare të Republikës së Kosovës. Kjo hap rrugën për vendosjen e themeleve të tregjeve financiare në Kosovë, për bono të korporatave dhe bursën e kapitalit, që do të mundësojë zgjerimin e mundësive për qasje në financa të ndërmarrjeve tona.

    Miratuar në parim nismën për negocimin e Marrëveshjes së Grantit ndërmjet Republikës së Kosovës e përfaqësuar nga Ministria e Financave, Punës dhe Transfereve dhe KfË, Frankfurt Am Main, dhe Pastrimi Sh. A, për projektin “Zhvillimi Urban i Përshtatshëm për Klimën II”.

    Miratuar në parim nismën për lidhjen e Marrëveshjes së Kredisë ndërmjet të Republikës së Kosovës përfaqësuar nga Ministria e Financave, Punës dhe Transfereve dhe KfË, Frankfurt Am Main, dhe Pastrimi Sh. A, për projektin “Zhvillimi Urban i Përshtatshëm për Klimën II”.

    Ndarë 350 mijë euro për organizimin e pjesëmarrjes së Kosovës në Forumin Ekonomik Botëror në Davos, me Kosova House.

    Nga Rubrika
    Lajme18 Dhjetor 2024
    Bashkimi Evropian është “partneri i vetëm i besueshëm dhe i palëkundur” për vendet e Ballkanit Perëndimor, tha kryeministri belg Alexander De Croo...
    Lajme18 Dhjetor 2024
    Me datën 18.11.2024 njësitë policore nga Drejtoria Rajonale e Policisë- Mitrovicë Veri, në kuadër të detyrave të rregullta gjersa ishin duke asistuar...
    Lajme18 Dhjetor 2024
    Lidhja Demokratike e Kosovës sot i ka prezantuar 38 kandidatet e saj për deputete, që do të garojnë në zgjedhjet e 9...
    Të tjera
    Lajme18 Dhjetor 2024
    Kosova dhe Serbia janë pajtuar të martën për zbatimin e plotë të deklaratës së përbashkët për personat e zhdukur. Kryesuesi i Komisionit...
    Lajme18 Dhjetor 2024
    Deputeti i AAK-së, Haki Abazi ka bërë një parashikim për rezultatin e zgjedhjeve. Ai është shprehur se Lëvizja Vetëvendosje do të jetë...
    Lajme18 Dhjetor 2024
    Presidentja e Kosovës, Vjosa Osmani, është shprehur mjaftë ashpër ndaj disa vendeve të Bashkimit Evropian në lidhje me sanksionet ndaj Kosovës, dhe...
    Hulumtime18 Dhjetor 2024
    Real Madridi ka arritur të kalojë në epërsi ndaj Pachucas në finalen e Kupës Interkontinentale. Ishte Mbappe që realizoi pas asistit nga...
    Bota/Rajoni18 Dhjetor 2024
    Gjatë vitit 2024 Presidenti turk Recep Tayyip Erdogan shtoi përpjekjet për të zgjeruar ndikimin e Turqisë në nivel ndërkombëtar. Dy nga sukseset...
    Lajme18 Dhjetor 2024
    Qeveria e Kosovës i ka bërë thirrje Bashkimit Evropian që të heq masat sa më parë dhe plotësisht duke thënë se nuk...

    FrontOnline, © 2024 Të gjitha të drejtat e rezervuara.