Sot që mblidhen Kuvendet e Shqipërisë dhe të Kosovës Kreu i Partisë Demokratike-Demokratët Euroatlantikë, Lulzim Basha ka dalë me një deklaratë kritikuese për bllokimin e propozimit të tij në Kuvendin e Shqipërisë për ndihmë financiare prej 50 milionë eurosh për mbrojtjen e Kosovës.
Basha përmes një videoje në rrjete sociale bëri thirrje për veprime konkrete për të mbështetur Kosovën, duke theksuar se vizitat dhe deklaratat mediatike nuk mjaftojnë.
“Siguria e Kosovës është pjesë e pandarë e sigurisë sonë kombëtare. Shqipëria ka detyrimin të ndihmojë Kosovën në këto momente të rrezikshme, kur rreziqet gjeostrategjike po përshkallëzohen nga Beogradi dhe Moska”, tha Basha.
“Vizita në Kosovë nga qeveria dhe shumica parlamentare është vetëm një fasadë kur në të njëjtën kohë ata bllokojnë propozimin tim për ndihmë financiare prej 50 milionë eurosh për mbrojtjen e Kosovës”, shtoi ai.
“Siguria e Kosovës është pjesë e pandarë e sigurisë sonë kombëtare. Shqipëria ka jo vetëm mundësinë, por edhe detyrimin të ndihmojë Kosovën në këto momente të rrezikshme, kur Beogradi dhe Moska përshkallëzojnë rreziqet gjeostrategjike.
Fjalët e mëdha dhe shfaqjet mediatike nuk i shërbejnë Kosovës. Ajo që i duhet është mbështetja jonë me veprime konkrete – si propozimi për financimin e sigurisë së saj. Le të tregojmë me vepra se siguria dhe e ardhmja e Kosovës janë prioriteti ynë kombëtar”, u shpreh më tej Basha.
