Autoritetet në Liban kanë thënë se deri me tani është konfirmuar se 356 persona , së paku 24 prej të cilëve fëmijë, janë vrarë si pasojë e valës më të madhe të sulmeve ajrore izraelite deri me tani.

Gjithashtu është njoftuar se më shumë se 1 200 të tjerë janë plagosur përderisa dhjetëra persona janë ende të pagjetur.

Viktimat janë pasojë e një vale të sulmeve ajrore izraelite në pjesët e ndryshme të Libanit , edhe pse Tel Avivi thotë se ka shënjestruar vetëm caqet e Hezbollahut, zyrtarët në Bejrut insistojnë se është goditur edhe një numër i madh i caqeve civile.

Krerët e Hezbollahut kanë thënë se Izraeli do të paguan çmim të lartë për këto sulme.

Egjipti dhe disa vende tjera rajonale kanë kërkuar që OKB-ja të ndërhynë për të parandaluar një luftë të madhe rajonale  por Tel Avivi zyrtar ka sinjalizuar që do ta intensifikon fushatën edhe më tej.

Zyrtarët Izraelit u kanë thënë mediave se forcat e tyre do të rrisin numrin e caqeve të Hezbollahut të cilat do ti sulmojnë përderisa nga Libani raportohet se dhjetëra mijëra banorë të pjesës jugore të vendit, përgjatë kufirit me Izraelin, kanë  filluar të zhvendosën pasi që pranuan SMS porosi në të cilat ju këshillohej “të qëndrojnë larg shtëpive dhe ndërtesave civile që përdoren prej Hezbollahut./RTK