Instituti Kombëtar i Shëndetit Publik bën të ditur se numri total i rasteve pozitive është 79.089 raste nga 366.574 persona të dyshimtë në virusin SARS-CoV-2 dhe 1.731 raste të vdekjes.
Gjatë 24 orëve të fundit, janë shëruar 385 pacientë derisa numri i përgjithshëm i të shëruarve deri më sot është gjithsej 65.979 raste, kurse numri i rasteve aktive është 11.379.
Instituti në vazhdimësi po bën thirrje për respektimin e masave kundër coronavirusit.
Ushtruesi i detyrës së Drejtorit në Klinikën Infektive dhe infektologu, Izet Sadiku ka thënë se kapacitetet spitalore për pacientët me COVID-19 janë duke u mbushur.
Sadiku thotë se për dy javë është rritur për 300 numri i pacientëve të hospitalizuar në QKUK./Front Online/
