Mbesa e presidentit të Amerikës, Joe Biden, Naomi do të martohet në Shtëpinë e Bardhë.
Vajza 28-vjeçare e djalit të Biden, Hunterit, postoi në Twitter lajmin festiv të hënën (4 prill), duke falënderuar gjyshërit e saj për këtë mundësi.
“Peter dhe unë i jemi pafundësisht mirënjohës gjyshërve të mi për mundësinë për të festuar dasmën tonë në Shtëpinë e Bardhë. Mezi presim që zyrtarizojmë marrëdhënien tonë ndaj njëri-tjetrit dhe për atë që na pret”, ka shkruar ajo.
Sipas Associated Press, dasma do të bëhet këtë vjeshtë, ndërkohë Michael LaRosa, sekretari i shtypit për Jill Biden, i tha gazetës se familja është “ende në fazat e planifikimit të të gjitha festimeve të dasmës”, shkruan People.
“Në përputhje me ngjarjet e tjera private të organizuara nga Familja e Parë dhe duke ndjekur traditat e festimeve të mëparshme të dasmave të Shtëpisë së Bardhë në administratat e mëparshme, familja Biden do të paguajë për aktivitetet e dasmës që ndodhin në Shtëpinë e Bardhë”, shtoi tutje LaRosa.
E diplomuari për drejtësisë në Kolumbia, Naomi u fejua me Peter Neal, një student tjetër në shkollën juridike, në shtator.
Dasma e tyre do të shënojë martesën e parë në Shtëpinë e Bardhë që nga administrata e Nixon.
Dhëndri i ardhshëm Neal është internuar më parë për fushatën presidenciale të Hillary Clinton, sipas Guest of Guest.
Gazeta shtoi se ai gjithashtu u internua në Shtëpinë e Bardhë kur Barack Obama shërbente si President dhe kur gjyshi i Naomit shërbeu si i dyti në komandë.
Presidenti Biden, 79 vjeç, i tha Anderson Cooperit në CNN në mars 2020, “Çdo ditë, unë flas me të pesë nipërit e mi. Ose në telefon, ose dërgoj mesazhe me ta”.
Në një intervistë me PBS Newshour në vitin 2020, Naomi tha se komunikon vazhdimisht me gjyshin e saj.
“Ai i hap telefonatat tona pavarësisht se ku është. Ai mund të jetë në skenë, duke mbajtur një fjalim dhe kur ne e thërrasim atë dhe ai e hap dhe na pyet,” Çfarë nuk shkon?!”, kishte deklaruar Naomi.
“Ne jemi rritur së bashku. Ai është kujdesur që çdo traditë e vetme, çdo festë, të jemi të gjithë bashkë… Nuk mendoj se ka pasur ndonjë vendim, sado i madh apo i vogël, që nuk e kemi vendosur si familje”, shtoi ajo.
