Vip

Matthew McConaughey thyen sondazhet, Teksasi e do më shumë sesa guvernatorin Greg Abbott

Matthew McConaughey thyen sondazhet, Teksasi e do më shumë sesa guvernatorin Greg Abbott
07:52 | 20 Prill 2021

Sipas sondazheve të kryera nga ‘Dallas Morning News’ dhe Universiteti i Teksasit, 45 për qind e votuesve do të votonin për aktorin e famshëm të Hollivudit, Matthew McConaughey dhe vetëm 33 për Guvernatorin e tanishëm Greg Abbot.

1,126 votues morën pjesë në sondazh dhe McConaughey mori deri në 66 për qind të votave të demokratëve dhe 30 për qind të votave të republikanëve. Abat është ende popullor me shumicën e votuesve republikanë, 56 për qind e të cilëve do të votojnë akoma për guvernatorin aktual. McConaughey pëlqehet gjithashtu nga ata që nuk i përkasin asnjë partie, 44 për qind do të votonin për një aktor hollivudian, ndërsa Abbot-in do të dëshironin të shihnin vetëm 28 për qind të tyre në mandatin tjetër në karrigen e guvernatorit.

Kujtojmë, Matthew McConaughey ishte i ftuar në shfaqjen televizive ‘The Tonight Show’ të drejtuar nga Jimmy Fallon i cili e pyeti me atë rast për planet e tij për të hyrë në politikë, pasi aktori kohë më parë kishte deklaruar se po e shqyrton mundësinë për të kandiduar pë guvernator të Teksasit. “Unë do t’ju tregoj atë që kam thënë tashmë, dhe ajo që kam thënë është e vërtetë. Nuk është një dredhi. Kur them se është diçka për të cilën po mendoj, atëherë është e vërtetë”, tha McConaughey, i cili së pari foli për ambiciet e tij politike në nëntor të vitit të kaluar kur ishte mysafir në shfaqjen televizive ‘The Hugh Hewitt Show’.

Ai më pas i tha nikoqirit se hyrja në politikë nuk varej nga ai. “Kjo varet më shumë nga njerëzit sesa nga unë”, tha McConaughey, duke shtuar: “Shikoni, për mua, politika është diçka e korruptuar. Kur politika të ripërcaktojë qëllimin e saj, atëherë do të jem shumë i interesuar për të”./FrontOnline/

Apliko online për kredi në IBAS, përfito subvencionim nga Qeveria

Të tjera