Sipas mediave britanike, Maserati Quattroporte do të dal në shitje në vitin 2024.

Me prapashtesën Maserati Folgore (italisht për ‘rrufe’), do të kthehet si një turne i madh me katër dyer dhe zero emetime karboni.

Quattroporte i ri do të jetë gjithashtu sedani i vetëm i firmës italiane, pasi prodhimi i Ghibli më të vogël do të përfundojë në vitin 2024.

Me Quattroporte të re, Maserati do të përpiqet të tërheqë njerëz që drejtojnë modele të tilla si Mercedes-Benz EQE dhe BMW i7, dhe që duan edhe më shumë ekskluzivitet. Kjo tezë u mbështet nga kreu i produkteve globale të Maserati, Masimo Capaldi, i cili i tha Autocar të Mbretërisë së Bashkuar se ai priste që modelet elektrike të tërhiqnin një lloj të ri klientësh në markë.

“Me automjetet elektrike, gjithçka ndryshon. Segmentet kryqëzohen me njëri-tjetrin”, tha ai.

Quattroporte do të bazohet në arkitekturën e re që Maserati krijoi për Granturismo. Është projektuar për shpërndarje optimale të peshës, me baterinë e pozicionuar në formë T të ulët dhe përgjatë qendrës së shasisë.

Nivelet e fuqisë pritet të jenë më të ulëta se Granturismo Folgore 745 PS (i cili është i pajisur me një bateri 93 kWh), duke pasur parasysh veçoritë më sportive të kupës./FrontOnline/