Ka disa muaj që në media kanë qarkuar lajme se këngëtarja, Greta Koçi është martuar.

Një gjë e tillë tashmë është zyrtarizuar nga ajo në një intervistë në emisionin ‘Abc e Pasdites’, ku pohoi pas shumë zërave se ajo është martuar dhe jeton në Vjenë me bashkëshortin.

Ajo tha se për këtë teme deri më tani nuk ka dashur të reagojë.

“Kanë shkruar mediat, unë e kam parë por asnjëherë nuk kam dashur të reagoj. Po e them vetëm tek ty. Është zyrtare që unë po jetoj në Vjenë, por e kam zyrtarizuar dhe çështjen e zemrës. Unë jam martuar tashmë dhe jetoj së bashku me bashkëshortin tim në Austri.”, shprehu këngëtarja në lidhje me çështjen.

Ajo ka thënë së bashkëshorti i saj është më shqiptare edhe është shumë e lumtur më të.

“Më duket sikur po marr frymë më lirisht. Është një fazë që po jetoj dhe jam jashtëzakonisht shumë e lumtur. Djali e bën jetën e vetë këtu, por më origjinë është shqiptar.”, shprehu ajo, ku gjithashtu shtoi se respekton privatësinë e bashkëshortit i cili nuk është një personazh publik.

Pas këtij lajmi shumë pikëpyetje vijnë në mendje në lidhje me ceremoninë martesore, ku Greta shprehu se “kjo dëshiroj të ngelet personale por janë kryer të gjitha adetet edhe familjare edhe zyrtare”.

Greta tha se ende nuk kanë kryer një dasmë tradicionale.

Ajo tha së planifikojnë që edhe të kenë fëmijë dhe kurdo që vie është i mirëpritur.

“Është normale, kur vjen një moshë dhe konsolidon familjen, kjo është pyetja. Por kjo gjë nuk ka parashikim. Gjersa unë jam e martuar, ajo është pjesë e planit, dhe madje e afërt. Kurdo që të vijë është e mirëpritur.” – tha këngëtarja duke u çuar në këmbë dhe duke zbuluar barkun me humor për të vërtetuar se nuk është shtatzënë./SHQIP.com