Sot në trevjetorin e vdekjes së anëtarit të Lëvizjes Vetëvendosje, Astrit Dehari, është mbajtur marshi në sheshin ‘Skenderbeu’ me moton ‘Një popull për drejtësi’.

Sot bëhen tri vite kur Dehari vdiq në Qendrën e Paraburgimit në Prizren, në rrethana ende të paqarta deri më tani.

Para marshit në Prishtinë, familjarët dhe miqtë e Astritit vendosën lule tek varri i tij në fshatin Zllatar.

Ndërkaq të pranishëm në marshin “Drejtësi për Astritin” ishin familjarët e tij, kreu i Vetëvendosjes Albin Kurti, anëtartë të VV’së, e shumë qytetarë të cilët marshuan nëpër rrugët e kryeqytetit.

Në këtë marsh foli edhe kreu i Vetëvendosjes, Albin Kurti, i cili tha se nuk do të ndalet derisa të zbardhet vrasja e Astritit.

Për ta përkujtuar Astritin në trevjetorin e vdekjes, Komuna e Prishtinës, sot ka ndaluar të gjitha shërbimet për 5 minuta.

Po ashtu, gjatë ditës ka pasur edhe tjera aktivitete të cilat kanë shënuar trevjetorin e vdekjes së aktivistit të Vetëvendosjes.

Së fundmi në Kosovë ka arritur raporti i ekspertizës së Mjekësisë Ligjore të Lozanës. Mjekët zviceranë kanë konstatuar se është pak e mundshme të cilësohet si vetëvrasje rasti i ish-anëtarit të Vetëvendosjes. Tani po kërkohet një hetim i ri për të vërtetuar nëse një person tjetër është i përfshirë në vdekjen e Astrit Deharit.

Fotografi nga varrezat dhe marshi: