Futbollisti i Kombëtares së Shqipërisë, Mario Mitaj ka filluar stërvitjet me ekipin e tij të ri, Al-Ittihad.
Mitaj u transferua në Arabinë Saudite nga skuadra ruse, Lokomotiva e Moskës në formë huazimi – por klubi arab ka të drejtë për ta blerë kartonin e plotë për 3.5 milionë euro.
Mbrëmë, Mitaj u stërvitë së bashku me disa lojtarë tjerë që ishin të ftuar në kombëtaret e tyre.
Nuk dihet nëse 21-vjeçari do të jetë i gatshëm për të debutuar gjatë këtij vikendi me klubin e famshëm arab, aty ku tashmë luajnë shumë yje të futbollit, duke përfshi: Karim Benzeman, N’Golo Kanten dhe Fabinhon.
