Prodhimi industrial në shtator të këtij vitit në krahasim me të njëjtin muaj vitin e kaluar është rritur për 6,1 për qind.
Në periudhën janar – shtator të këtij viti, në krahasim me periudhën e njëjtë të vitit të kaluar, prodhimi industrial shënon rritje prej 5,6 për qind, njoftoi sot Enti Shtetëror i Statistikës.
Shqyrtuar sipas sektorëve, prodhimi industrial në sektorin “Xehetari dhe nxjerrje e gurëve” në shtator të këtij viti, në krahasim me shtatorin e 2018, shënon rënie prej 7,4 për qind, në “Industrinë prodhuese” rritje prej 4,6 për qind, ndërsa në sektorin “Furnizim me energji elektrike, gaz, avull dhe klimatizim”, shënon rritje prej 32, për qind.
Sipas grupeve kryesore të industrisë, prodhimi në shtator të vitit 2019, në krahasim me shtatorin e vitit 2018, shënon rritje të energjisë për 25,5 për qind, prodhimet kapitale për 6,4 për qind, prodhime të qëndrueshme për konsum të gjerë për 14, 7 për qind dhe prodhime jo të qëndrueshme për konsum të gjerë për shtatë për qind, ndërsa rënie shënohet te prodhimet intermediate, përveç energjisë për 3,5 për qind.
