Ministri i Mbrojtjes, Ejup Maqedonci ka folur rreth anëtarësimit të Kosovës në NATO.
Maqedonci thotë se Kosova ka mbështetjen e plotë të partnerëve të saj në rrugën e anëtarësimit në NATO, dhe se vendi ka shënuar progres të jashtëzakonshëm në ndërtimin e kapaciteteve ushtarake.
“Ne kemi shënuar progres të jashtëzakonshëm në ndërtimin e kapaciteteve ushtarake të Ushtrisë së Kosovës, dhe fuqizimin e sistemit tonë mbrojtjes”, tha Maqedonci, për Klan Kosova.
“Programi i partneritetit për paqe nuk është një parakusht për pranim në NATO, nuk është i kërkuar. Vendi ynë i ka ndërtuar dhe po i ndërton të gjitha kapacitet me mbështetje të NATO-s, pra NATO është bashkëthemeluese e kapaciteteve tona”.
“Të gjitha vendet partnere kanë shprehur gatishmërinë e tyre dhe vullnetin për të mbështetur Republikën e Kosovës në anëtarësimin në NATO, është me të vërtetë një përkushtim i të gjithëve që të mbështesin Kosovën në anëtarësimin e saj në NATO”, tha ai.
