Chelsea është shpallur edhe zyrtarisht kampione e Evropës për edicionin 2020/21.
Skuadra e Thomas Tuchelit ka triumfuar në finalen e sontme të Ligës së Kampionëve në “Estadio De Dragao” përballë Manchester Cityt, shkruan FrontOnline.
“Të Kaltërit” arritën ta mposhtin Manchester Cityn me rezultat minimal, 0:1.
Golin e vetëm dhe të fitores për skuadrën nga Londra e shënoi Kai Havertz.
Në pjesën e dytë, përkundër rasteve nga të dyja skuadrat, rrjetat nuk u tundën më.
Ky është trofeu i dytë i Ligës së Kampionëve në historinë e Chelseat.
Nga ana tjetër, Manchester City nuk e ka fituar asnjëherë këtë kompeticion./FrontOnline/
