Kanë kaluar 20 vjet nga prezantimi i modelit të parë Koenigsegg CC8. Tani, kompania suedeze ka zbuluar CC850 me një dizajn pothuajse identik, por me përmirësime në krahasim me origjinalen. Makina fuqizohet nga motori 5.0-litërsh i Jesko-s me dy turbo V8, i cili prodhon 1,385 kf dhe 1,384 Nm.
Prodhuesi përdori panele me fibra karboni dhe një rezervuar alumini, kështu që pesha e CC850 është 1,385 kg. Automjeti supozohet të jetë “makina më e shpejtë e prodhimit me një motor ICE” (motor me djegie të brendshme) dhe një transmision manual, megjithëse ende nuk dihen detajet e performancës.
Koenigsegg njoftoi dje se vetëm pesë ditë pas prezantimit të CC850, e gjithë seria e 50 modeleve është shitur. Prandaj, prodhuesi suedez i automjeteve ka vendosur të zgjerojë prodhimin e automjetit./FrontOnline/
