Automjeti i shërbimeve sportive (SUV) Skorpio-N nga Mahindra, një nga prodhuesit më të mëdhenj indian të makinave, arriti sukses të jashtëzakonshëm në tregun vendas me 25,000 njësi të shitura në më pak se një minutë pas fillimit të shitjeve, raportoi portali Karskups.

Sulmi i blerësve në internet shkaktoi rrëzimin e faqes së internetit të prodhuesit të makinave brenda 55 sekondave, gjë që dyshohet se dëboi një numër të madh blerësish potencialë që donin të rezervonin kopjen e tyre nga seria promocionale, sipas Tanjug.

Në total, Mahindra siguroi mbi 100,000 porosi brenda 30 minutave të para të hapjes së shitjes. Meqenëse çdo prenotim blerje përfshinte një depozitë të detyrueshme prej 18,000 rupi (227 dollarë), kompania gjeneroi gjithsej 22.7 milionë dollarë në gjysmë ore, raporton Rasha Today.

Modeli Skorpio-N, të cilin kompania e quan “babai i madh i SUV-ve”, është versioni më i fundit i Mahindra i SUV-së së tij Skorpio me një dizajn modern dhe teknologji të përparuar.

Modeli u njoftua majin e kaluar, debutimin zyrtar e pati në qershor 2022 dhe shitjet nisën vetëm në gusht.

Jagma në mesin e blerësve potencial mund të jetë rezultat i çmimit relativisht të ulët që Mahindra ka vendosur për serinë promocionale të SUV-it të ri që varion nga 15,178 dollarë në 24,673 dollarë, në varësi të paketës së komponentëve të teknologjisë. Kompania njoftoi se çmimet e serisë së ardhshme do të jenë më të larta./FrontOnline/