Drejtoreshë e Arsimit në Komunën e Prishtinës, Jehona Lushaku-Sadriu sonte në emisionin “Rubikon” në Klan Kosova ka folur në lidhje me mësimin tërëditor në Prishtinë.
Ajo është shprehur se ministrja aktuale e Arsimit, Arbërie Nagavci e ka filluar dhe sipas saj, e ka dështuar mësimin tërëditor.
Lushaku-Sadriu u shpreh se forma që është duke u realizuar tani është për herë të parë në Prishtinë, përcjell Klankosova.tv.
“Ministrja Nagavci e ka filluar dhe ka dështuar mësimin tërëditor në shkollat e Prishtinës. Përderisa nuk ka qenë i realizueshëm deri tani, normalisht që ka dështuar”.
“Forma që është duke u realizuar tani është për herë të parë në Prishtinë, ndarja në cikle e shkollave është për herë të parë, pilotimi nuk është pilotim, pikërisht nga dështimet që kanë pasur shkollat e Prishtinës në pilotimin e atëhershëm, unë kam marrë mësimet”, është shprehur ajo.
