Njohës i çështjeve të energjisë, Lulzim Syla për “Front Online” ka reaguar ndaj paralajmërimit të KESCO-s për një rritje të mundshme prej 21% të çmimit të energjisë elektrike.
Ai shprehet se kjo është vetëm një kërkesë nga kompania dhe nuk do të thotë që rritja do të ndodhë domosdoshmërisht.
“Pavarësisht deklarimeve të KESCO për një propozim të tillë prej 21% rritje të çmimit kjo nuk do të thotë që me patjetër duhet të ndodh një rritje e tillë sepse kjo është një kërkesë prej njërit nga kompanitë që e bënë furnizimin e energjisë elektrike”, ka thënë ai.
Syla ka kërkuar ZRRe të tregojë më shumë transparencë.
“Si rezultat i problemeve që ka ndodhë në vitet e kaluara me çështjen e rritjes së rrymës ZRRe duhet të jetë shumë më transparente në zbërthimin dhe qëndrimin e çfarëdo ndryshimi tek qytetaret dhe bizneset”, shprehet Syla për “Front Online”.
