Deputetja nga radhët e PDK-së, Ganimete Musliu ka thënë se partia në të cilën bënë pjesë ajo me kohë e kishte kundërshtuar Ligjin për Këshillin e Sigurisë, që sipas saj rrezikon sigurinë kombëtare.

Një një postim në Facebook, Musliu thotë se s’do të lejojnë që të shkatërrojnë shtetin ata që s’kanë bërë asgjë për ndërtimin e tij.

Sipas saj, ky Ligj u injorua dhe kundërshtua nga “fansat” e Albin Kurtit që votojnë pa menduar.

“Nuk do të lejojmë që të shkatërrojnë SHTETIN ata që nuk bënë asgjë për ndërtimin e SHTETIT! Me arsyen se Ligji për Këshillin e Sigurisë rrezikon sigurinë kombëtare dhe është në kundërshtim me Kushtetutën, ne e patëm kundërshtuar me kohë në Kuvend këtë projektligj por e injoruan kundërshtimin tonë të arsyeshëm FANSAT e Albin Kurtit që më paaftësinë e tyre votojnë pa menduar çdo gjë që ju servon Albini dhe rrezikojnë sigurinë e vendit dhe shkatërrimin e trashëgimisë institucionale.

“Tani edhe Presidentja e ktheu në rishqyrtim këtë ligj”, ka shkruar Musliu.