Në kuadër të Ligës së Parë, në pasditën e sotme do të zhvillohet xhiroja e fundit për edicionin 2020/21.

Në grupin A si dhe në grupin B do të zhvillohen të gjitha ndeshjet, pra dhjetë sosh, raporton FrontOnline.

Malisheva në grupin A kërkon vetëm fitore ndaj Vëllaznimit për t’u inkuadruar në elitë, derisa Dukagjini luan si mysafir i Trepçës dhe kërkon vetëm fitore.

Vëmendja kryesore në grupin B është tek Ulpiana, e cila me një fitore eventuale ndaj Ramiz Sadikut e siguron plasmanin në Superligë.

Ndërkaq, këtë synim e ka edhe Flamurtari, që sot shpreson në gabimin e lipjanasve dhe në fitoren ndaj Vllaznisë.

Ndeshjet e sotme:

Grupi A:

Onix – Liria
Vushtrria – A&N
Drenasi – Istogu
Trepça – Dukagjini
Vëllaznimi – Malisheva

Grupi B:

Ferizaj – Dardana
KEK-u – 2 Korriku
Vllaznia – Flamurtari
Kika – Vitia
Ramiz Sadiku – Ulpiana.

Të gjitha ndeshjet e sotme nisin nga ora 15:00/FrontOnline/