Kryeministri i Kosovës, Avdullah Hoti ka bërë të ditur se më 26 dhe 27 nëntor do të takohen delegacionet teknike Kosovë – Francë për liberalizimin e vizave.
Përmes, një postimi në profiling e tij në Facebook, Hoti ka shkruar se pas takimit teknik, së shpejti pritet edhe takimi politik në nivel të ministrive të të dyja vendeve.
Postimi i tij i plotë:
Më 26 dhe 27 nëntor takohen delegacionet teknike Kosovë – Francë për liberalizimin e vizave.
Më 26 dhe 27 nëntor 2020 do të mbahet takimi virtual i delegacioneve teknike nga Ministria e Punëve të Brendshme e Republikës së Kosovës dhe ajo e Republikës Franceze, lidhur me bashkëpunim bilateral në fushën e sigurisë dhe me fokus në çështje që lidhen me liberalizimin e vizave.
Aranzhimi i këtij takimi është rezultat i dakordimit midis Kryeministrit të Republikës së Kosovës, z. Avdullah Hoti dhe Presidentit të Republikës së Francës z. Emmanuel Macron, në video konferencën e djeshme.
Pas takimit teknik shumë shpejtë pritet edhe takimi politik në nivel të ministrive të brendshme të të dyja vendeve.
