Bajamet janë një nga arrat më të shëndetshme dhe zhytja në ujë rrit vlerën e tyre ushqyese. Rekomandohet të hani disa bajame në ditë, pasi ato janë jashtëzakonisht të shëndetshme. Sidoqoftë, përfitimet e vërteta të bajameve do t’i ndjeni vetëm kur t’i lini të zhytura në ujë. Duke zhytur bajamet në ujë, sasia e taninave dhe acideve që gjenden në lëvozhgën e kësaj arre zvogëlohet.

Nga bajamet e lagura, trupi do të “thithë” të gjithë lëndët ushqyese, vitaminat dhe mineralet e tyre edhe më mirë, dhe do të stimulojë aktivitetin e enzimave në trup, gjë që përmirëson tretjen. Një plus shtesë i bajameve të zhytura është se si të tilla ato janë edhe më të shijshme se ato të thata dhe mund të përdoren më lehtë në receta të shumta. Bajamet e njomura kanë më shumë vitamina B dhe enzima të ngjashme me lipazat sesa bajamet e thata. Bajamet e njomura janë gjithashtu një burim i mirë i kaliumit, fibrave, proteinave dhe yndyrnave të shëndetshme, ndërsa nga ana tjetër ato kanë një sasi të vogël të yndyrës së ngopur.

Si të lagni bajamet siç duhet?

Do të ishte më mirë nëse bajamet do të kalonin 24 orë në ujë. Vendosni rreth 250 gramë bajame në një tas ose tenxhere dhe hidhni sipër tyre ujë të ngrohtë. Pas 12 orësh, kullojeni ujin dhe shtoni dy lugë çaji kripë në bajame. Pastaj rimbushni tasin ose tenxheren me ujë të ngrohtë dhe lini bajamet në të për 12 orë të tjera. Nëse nuk ndahet vetvetiu, bajamet e njomura lehtë do të zhvishen. Bajamet e lagura mund t’i përdorni për një javë, gjatë së cilës ato nuk do të humbin asgjë nga vlerat e tyre ushqyese. Për shkak të sasisë më të lartë të vitaminës E, fibrave dhe acidit folik, bajamet që kanë qenë në ujë kanë një efekt të dobishëm në tretjen e ushqimit, ndihmojnë me diabetin dhe sëmundjet kronike siç janë problemet e zemrës dhe artriti reumatoid. Përveç kësaj, këto bajame ndihmojnë në zgjidhjen e problemeve të lëkurës. Bajamet e lagura janë gjithashtu një aleat i shkëlqyeshëm për humbjen e peshës, sepse sasia e pasur me fibra zvogëlon ndjenjën e urisë, e cila zvogëlon marrjen e kalorive dhe inkurajon humbjen e peshës./FrontOnline/