[wp-story]

Lajme

LDK thërret konferencë për media

LDK thërret konferencë për media
17:24 | 22 Janar 2021

Lidhja Demokratike e Kosovës ka thirrur sot konferencë për media pas zhvillimeve që kanë ndodhur në Komisionin Qendror të Zgjedhjeve.

Zyra për Certifikim të Kandidatëve dhe Partive Politike e KQZ-së ka rekomanduar sot që të certifikohen të gjithë kandidatët për deputetë pasi ka pasur paqartësi në interpretimin e vendimit lidhur me ndalimin e kandidimit të deputetëve që kanë probleme me ligjin në tre vitet e fundit, bazuar në vendimin e Gjykatës Kushtetuese.

Së këndejmi, Lidhja Demokratike e Kosovës dhe Partia Demokratike e Kosovës kanë kërkuar të shtyhet mbledhja pasi ky rekomandim i Zyrës për Certifikim ka ndodhur vetëm 30 minuta përpara se të ishte koha për votim.

“Të nderuar përfaqësues të mediave. Ftoheni të merrni pjesë në konferencën për media të Lidhjes Demokratike të Kosovës, sot, e Premte, 22.01.2021 në ora 18:00. Konferenca do të organizohet në selinë e LDK-së, Qafa, Rruga e UÇK-së, 2B, Prishtinë.”, thuhet në komunikatën e LDK-së.

Mbledhja e KQZ-së pritet që të vazhdojë në ora 17:30./FrontOnline/

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera