Kronika

Lansohet aplikacioni “Lajmëro Policinë”, qytetarët tani mund të raportojnë rastet e ndryshme pa shkuar në polici

Lansohet aplikacioni “Lajmëro Policinë”, qytetarët tani mund të raportojnë rastet e ndryshme pa shkuar në polici
14:27 | 24 Qershor 2020

Policia e Kosovës ka bërë lansimin e aplikacionit “Lajmëro Policinë”, ku qytetarët tani kanë mundësi që të raportojnë më shpejt raste të ndryshme.

Drejtori i Përgjithshëm i Policisë së Kosovës, Rashit Qalaj, ka thënë se ky aplikacion është shumë i rëndësishëm për Policinë dhe për qytetarët.

“Është aplikacion digjital, dhe kjo do të iu jep mundësi qytetarëve që të raportojnë rastet me të cilat përballen. Të dhënat do të jenë konfidenciale. Ky aplikacion është i rëndësishëm edhe për efikasitetin e Policisë së Kosovës dhe do të përgjigjen më shpejtë”, deklaroi Qalaj.

Qalaj gjatë konferencës tha se lansimi i këtij aplikacioni do të jetë një përafrim i qytetarit me policinë dhe policia do të jetë më efikase.

“Edhe në projektet e ardhshme, do ta shkurtojmë reagimin në raste të ndryshme dhe shërbime tona të jenë me efikase”, deklaroi ai.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera