Para pak çastesh janë transferuar pagat e muajit shtator për shërbyesit civil në Kosovë, raporton portali Front Online.
Ministria e Financave ka dështuar t’i paguaj pagat e punëtorëve shtetëror në ditën e fundit të muajit shtator për shkak të skadimit të mandatit të ushtruesit të detyrës së Drejtorit të Përgjithshëm të Thesarit.
Mosekzekutimi i pagave shkaktoi reagime të shumta nga opozita, të cilët e cilësuan qeverinë si të papërgjegjshme dhe shpërfillëse ndaj mijëra punëtorëve të këtij sektori.
Për PDK-në, LDK-në dhe AAK-në mosekzekutimi në kohë i pagave ka shkelur dinjitetin e shumë familjeve që mezi ia dalin muajit.
/Front Online/
