Është shtyrë sërish data e publikimit të James Bond “No Time To Die”.
Publikimi i filmit të ri të James Bond është shtyrë përsëri, shkruan BBC.
Premiera e “No Time To Die tashmë” ishte zhvendosur nga prilli në nëntor për shkak të pandemisë.
Filmi tani është shtyrë më tej deri më 2 prill 2021 “në mënyrë që të shihet nga një audiencë teatrore në mbarë botën”, thuhet në një deklaratë, në faqen e filmit në internet.
“Ne e kuptojmë që vonesa do të jetë zhgënjyese për fansat tanë, por tani shpresojmë të publikojmë No Time To Die vitin e ardhshëm”, përfundon deklarata.
“No Time To Die” do të jetë paraqitja e fundit e Daniel Craig si agjent i shërbimit sekret britanik.
Filmi i fundit i Bond, Spektri, mori gati 900 milionë dollarë (690 milionë funta) në arka në mbarë botën më 2015.