Vetëm 210 kopje të LaFerrari Aperta të Ferrarit dolën nga fabrika në Maranello dhe tani njëra prej tyre është shitur për një shifër marramendëse.
Kur bëhet fjalë për makina të shtrenjta, ekzotike dhe shumë të kërkuara, Ferrari është në krye si prodhues. Kryeveprat nga Maranello po fitojnë vlerë me kalimin e kohës, e dëshmi është LaFerrari Aperta e parezistueshme, e cila u shit në ankand për 5.36 milionë dollarë.
Makina ka kaluar vetëm 260 kilometra, edhe pse është model për vitin 2017, ndaj duket qartë se është në gjendje perfekte. LaFerrari Aperta ka një motor 6.3 litra atmosferik V12 me teknologji hibride, ose një motor elektrik 120 kW, dhe ky kombinim zhvillon 950 kuaj fuqi dhe 900 Nm çift rrotullues.
Supermakina përshpejton nga 0 në 100 km/h në më pak se tre sekonda dhe arrin 200 për 7,1 sekonda përpara se të arrijë shpejtësinë maksimale prej 350 km/h. Motori shoqërohet me një transmetim automatik me shtatë shpejtësi me dy pedale.
Trupi është i lyer në ngjyrën e kuqe dalluese Rosso Corsa të Ferrarit, dhe gjithashtu ka një tavan të fortë prej karboni. Makina ka rrota me pesë fole me përmasa 19 inç përpara dhe 20 inç në pjesën e pasme me goma Pirelli P Zero. Katër skajet e tubit të shkarkimit plotësojnë të gjithë paketën.
Pjesa e brendshme është një simfoni e vërtetë prej karboni, lëkure të zezë, Alcantara dhe detaje të kuqe, dhe kabina është e “civilizuar” dhe përmban lidhje Bluetooth, port USB dhe ajër të kondicionuar, ndërsa shoferi ka sensorë parkimi dhe një kamerë për të ndihmuar në lëvizjen mbrapa./FrontOnline/
