Ministri i Infrastrukturës, Arban Abrashi, ka shkarkuar nga detyra sekretarin e kësaj ministrie, Izedin Bytyqi.

Në vend të tij, sekretar i kësaj ministrie është emëruar Zymer Abdullahu, raporton Front Online.

Izedin Bytyqi ka qëndruar vetëm pak më shumë se një vit në pozitën e Sekretarit të Përgjithshëm të Ministrisë së Infrastrukturës.

Bazuar në vendim, ministri Abrashi ka obliguar Zyrën e Sekretarit të Përgjithshëm që sekretari i shkarkuar të sistemohet në pozitën “drejtor departamenti” në kuadër të Ministrisë së Infrasturkturës.

“Obligohet Zyra e Sekretarit të Përgjithshëm të MI-së, që të bëjë sistemimin e z. Bytyqi në pozitën Drejtor I Departamentit në bazë të Rregullores (QRK) nr. 16/2015 për Organizimin e Brendshëm dhe Sistemimin e Vendeve të Punës në Ministrinë e Infrastrukturës”, thekson pika 2 e vendimit./Front Online/