Sot, në orët e mëngjesit, Policia në Vushtrri ka arritur të prangos një person të dënuar, i cili kërkohej me urdhëresë aktive të lëshuar nga Gjykata Themelore në Mitrovicë, raporton Gazeta Sinjali.
Siç mëson Sinjali, personi që ra në pranga të Policisë, pas qëndrimit për një kohë në arrati është Burim Pllana, 42-vjeçar, i cili është i dënuar për veprën penale “Organizim i skemave piramidale” .
I njëjti u prangos në bazë të urdhëresës së Gjykatës Themelore në Mitrovicë. Dega e kësaj gjykate në Vushtrri ia ka shqiptuar Pllanës dënimin me burgim prej 6 muajsh.
Burimet e Sinjalit kanë deklaruar se 42-vjeçari është dërguar në vuajtje të dënimit në Burgun e Prishtinës.