Kur Joe Biden do të betohet si presidenti i 46-të i SHBA-së, më 20 janar, vajza e tij, Ashley Biden, do të marrë pozitën e Ivanka Trump-it si “vajza e parë”.
Ndërsa familja Biden ka qenë në qendër të vëmendjes për më shumë se një dekadë, Ashley ka mbetur në hije.
Anëtarja më e re e familjes Biden ka krijuar emrin e saj si një ikonë mode dhe avokate e reformës në drejtësinë penale.
Ja çfarë duhet të dini për “vajzën e parë” që do të pasojë Ivanka Trump-in!
Ajo është më e vogla nga fëmijët e Biden-it
Ashley lindi në 8 qershor 1981, nga gruaja e dytë e Biden, Jill.
Ajo ka dy gjysmë vëllezër më të mëdhenj, Beau-n, i cili ndërroi jetë nga kanceri i trurit në 2015 dhe Hunter-in, një avokat amerikan.
Ajo gjithashtu kishte një gjysmë motër, Naomi-in, e cila vdiq në një aksident automobilistik në vitin 1972, së bashku me gruan e parë të Biden-it, 30-vjeçaren Neili.
Ajo mban një profil modest
Ashley e ka mbajtur jetën e saj të veçuar dhe nuk ka bërë shumë dalje publike.
Ajo më herët ka pranuar se të qenit në mjedise publike nuk e bën të ndihet rehat.
Në një nga daljet e saj të rralla publike, Ashley u paraqit në samitin e “Rregullat e Grave 2014” në Uashington, ku u ftua të mbante një fjalim, informon dritare.net.
Ajo ka një linjë veshjesh
Në vitin 2017, Ashley themeloi një linjë veshjesh të prodhuara në Amerikë, “Livelihood”.
Linja e saj nisi në javën e modës në New York dhe mblodhi 30,000 dollarë për” Delaware Community Foundation”.
Logoja e linjës, një shigjetë që qëllon përmes “LH”, është një nderim për vëllain e saj të ndjerë Beau-n, për të cilin ajo tha se ishte “harku im”.
“Kanceri i tij më gjunjëzoi. Nuk kisha zgjedhje tjetër përveç të qëlloja përpara, të vazhdoja të synoja ëndrrat e mia”, tha Ashley.
Ajo është e famshme në rrjetet sociale
Ashley u përmend shumë herë në aplikacione të ndryshme të rrjeteve sociale pasi pamjet nga fjalimi i fitores së Joe Biden në Wilmington, Delaware, treguan kërcimin e saj në sfond.
Pamjet u mirëpritën nga përdoruesit e rrjeteve sociale, njëri prej të cilëve e krahasonte atë me Pippa Middleton
