Kreu i Lëvizjes Vetëvendosje, Albin Kurti, ka reaguar pasi KQZ ka certifikuar rezultatin e zgjedhjeve që e nxjerrë VV’në të parën me 50.28 %. Kurti këtë e ka quajtur fitore në referendum dhe ditë të mirë dhe shans të madh për Kosovën.
“Çertifikimi i rezultateve u bë sot. Fitoi referendumi, fituam në referendum: 50,28%. Ditë e mirë për Republikën. Shans i madh për Kosovën”, ka shkruar Kurti.
Ai ka falendëruar edhe mërgatën për votën e tyre dhe të gjithë aktivistët e anëtarët e VV’së për punën e bërë gjatë zgjedhjeve.
“Ju falemnderit të gjithë qytetarëve dhe mërgatës për votën e tyre me 14 shkurt, të gjithë anëtarëve e aktivistëve të Lëvizjes VETËVENDOSJE! për punën dhe angazhimin e tyre, të gjithë kandidatëve të listës sonë 127 për përfaqësimin dhe kontributin e tyre.
U jam mirënjohës përzemërsisht e përjetësisht të gjithëve. Fitorja është e secilit prej jush.
Fituam KREJT, ecim DREJT. Urime!”, ka përfunduar Kurti.
